राष्ट्रिय सभाकाे उपनिर्वाचनमा नेकपा एमालेका उम्मेदवार रामबहादुर थापा बादल पराजित भएका छन् । गृहमन्त्री समेत रहेका बादललाई डा. खिमलाल देवकाेटाले हराइदिएका छन् ।
बागमती प्रदेशसभातर्फ राष्ट्रियसभा सदस्यका लागि बिहीबार हेटौंडामा मतदान भएको थियो ।
जसमा देवकाेटा नेपाली कांग्रेस, नेकपा माओवादी केन्द्र, जनता समाजवादी पार्टीलगायत दलहरुको विपक्षी गठबन्धनका साझा उम्मेदवार बने ।
उनले ५,०८८ मतभार पाए । बादलले ४,०१४ मतभार पाए । नेपाल मजदुर किसान पार्टीका कृष्णबहादुर तामाङले १३२ मतभार पाएका छन् ।
प्रदेशसभाका १०५ सदस्यले मतदान गर्दा देवकोटाले ५८, बादलले ४५ र नेपाल मजदुर किसान पार्टीका कृष्णबहादुर तामाङले २ मत पाए ।
प्रदेशका स्थानीय तहका प्रमुख र उपप्रमुख गरी २३३ जनाले मतदान गरेकामा देवकोटाले १२८, बादलले १०३ र तामाङले २ मत पाए । राष्ट्रियसभा निर्वाचनमा स्थानीय तहका जनप्रतिनिधिको मतभार १८ र प्रदेशसभा सदस्यको मतभार ४८ हुन्छ ।
