भौतिक पूर्वाधार तथा यातायात मन्त्री मोहम्मद इस्तियाक राईले एक महिनाभित्रैमा नेपालगञ्जको मुहार फेरिने गरी दुई वटा योजना कार्यान्वयनमा ल्याउने प्रतिवद्धता जनाएका छन् ।
बाँकेस्थित नेपालगञ्ज उपमहानगरपालिकाले हिजो आयोजना गरेको बधाई तथा भेटघाट कार्यक्रममा मन्त्री राईले नगरपालिकाका प्रतिनिधि तथा कर्मचारीहरुका अघि सो प्रतिवद्धता जनाएका हुन् ।
उनले भने, ‘नेपालगञ्जको मुहार फेरिने गरी दुई वटा योजना १५ देखि ३० दिनभित्रमा कार्यान्वयनमा ल्याउँछु ।’
उनले तत्काल उक्त योजनाको नाम भने खुलाएनन् ।
जनता समाजवादी पार्टीबाट भौतिक पूर्वाधार तथा यातायातमन्त्री बनेपछि उनी गृहनगर समेत रहेको नेपालगञ्जमा पुगेका थिए ।
सो क्रममा उनलाई नगरपालिकाका पदाधिकारी तथा कर्मचारीहरुले बधाई दिएका थिए ।