Wednesday, February 8, 2023
11.8 C
Diktel

२१ दिन पछि खुल्यो सुर्खेत–जुम्ला सडक

वर्षाका कारण अवरुद्ध सुर्खेत–जुम्ला सडक खण्ड २१ दिन पछि पूर्ण रूपमा खुलेको छ ।

गत असोज २० गते देखि अवरुद्ध भएको सडक कात्तिक १० गते देखि पूर्ण रूपमा खुलेको हो ।

सडक खण्डका सयौँ ठाउँमा आएको पहिरो र सडक कटान गरेपछि २१ दिन सम्म आवतजावत पूर्ण रूपमा ठप्प भएको थियो ।

केही खण्डमा गत असोज २७ गते यता गाडी चले पनि कालिकोटको पिली देखि जुम्ला सम्मको सडक भने खुल्न सकेको थिएन ।

उक्त सडक खण्डमा सबै भन्दा धेरै पहिरो झरेको थियो भने तिला नदीमा आएको बाढीले धेरै ठाउँमा सडक कटान गरेर पैदल यात्रा समेत बन्द भएको थियो ।

डिभिजन सडक आयोजना जुम्ला, सुर्खेतले दुवै तर्फबाट सडक मर्मतको काम एकै साथ गरेपछि २१ दिनको राती पूर्ण रूपमा सडक खुलाउन आफूहरू सफल भएको छ ।

कालिकोटका प्रमुख जिल्ला अधिकारी रामहरि शर्माले सडक विभागले पनि चासोका साथ कुरा सुनेको र प्रहरी, सेनाको सहयोगले सडक सुचारु गराउन सफल भएको बताए । गाेरखापत्र अनलाइन

प्रतिक्रिया लेख्नुहाेस्

Please enter your comment!
Please enter your name here

सम्बन्धित समाचार

याे पनि पढ्नुस्