ललितपुर । ललितपुरको सुमेरु अस्पतालमा उपचाररत नेकपा माओवादी केन्द्रका उपमहासचिव वर्षमान पुनलाई उपराष्ट्रपति नन्दबहादुर पुनले भेटेका छन् ।
बुधबार उपराष्ट्रपति पुनले उपमहासचिव पुनलाई भेटेर स्वास्थ्य अवस्थाबारे जानकारी लिएका छन् ।
उपमहासचिव पुन लामो समयदेखि जण्डिसबाट पीडित छन् । हाल उनको स्वास्थ्य अवस्था क्रमिक रुपमा सुधार भइरहेको उनको सचिवालयले जनाएको छ ।
मंगलबार नेकपा माओवादी केन्द्रका अध्यक्ष समेत रहेका प्रधानमन्त्री पुष्पकमल दाहालले अस्पतालमै पुगेर पुनको स्वास्थ्य अवस्थाबारे जानकारी लिएका थिए ।
