पाेखरा । नेपाल मगर संघ गण्डकी प्रदेश समितिले पृथ्वीचोकमा सहिद लखन थापाको शालिकसँगै राखिएको पृथ्वीनारायण शाहको प्रतिमा तत्काल हटाउन माग गरेको छ ।
संघले लखन थापाको शालिकसँगै राखिएको पृथ्वीनारायण शाहको प्रतिमा नहटाए द्वन्द्व निम्तिने जनाएकाे छ ।
नेपाल मगर संघ गण्डकी प्रदेश समितिको दोस्रो अधिवशेनले ६ बुँदे घोषणापत्र जारी गर्दै सालिक हटाउने माग गरेकाे हाे ।
त्यस्तै संघले गण्डकी प्रदेशको नामकरणमा पनि आपत्ति जनाएको छ ।
संघले भनेकाे छ, ‘नेपालको प्रथम सहिद क्याप्टेन लखन थापा मगरको शालिकलाई विस्थापित गर्ने षडयन्त्रका साथ राखिएको पृथ्वीनारायण शाहको सालिक तत्काल हटाउन सम्बन्धित पक्षलाई आग्रह गर्दछाैं ।’
