जनता समाजवादी पार्टी नेपाल, केपिलासगढी गाउँपालिकाले २०७८ सालको क्यालेण्डर (पात्रो) प्रकाशन गरेको छ । बेलायती सेनाका मेजर योगेश कोयी राईको प्रायोजनमा क्यालेण्डर प्रकाशन गरिएको हो ।
खोटाङस्थित केपीलासगढी गाउँपालिका–७ सुङ्देल निभारे घर भई हाल बेलायतमा बसोबास गरिरहेका राईको एक लाख रुपैयाँको आर्थिक सहयोगमा २ हजार प्रति क्यालेण्डर निर्माण गरी प्रकाशन गरिएको हो ।
हाल बेलायतबाट नेपाल आएको बेला राईले उक्त सहयोग गरेका हुन् ।
उनले प्रकाशित भएको क्यालेण्डर काठमाडौंमा जसपा केपीलासगढी गाउँपालिकाका गुरुराज राईलाई हस्तान्तरण गरेका छन् ।
गाउँपालिका अध्यक्ष राईकाअनुसार उक्त क्यालेण्डर गाउँपालिकामा वितरण गरिनेछ । क्यालेण्डर हस्तान्तरण कार्यक्रममा भूपू बेलायती सेना तथा खोटाङ सेवा समाजका अध्यक्ष राकेश राई समेत सहभागी थिए ।