काभ्रेको बनेपा नगरपालिका वडा नं ९ का वडाध्यक्ष नृपेश वादेलाई १५ लाख रुपैयाँ घुससहित अख्तियार दुरुपयोग अनुसन्धान आयोगको टोलीले बुधवार राति नियन्त्रणमा लिएको छ ।
अध्यक्ष वादेले घर बाटो सिफारिस गर्ने प्रयोजनको लागि सेवाग्राहीसँग घुस लिने क्रममा आयोगले नियन्त्रणमा लिएको हाे ।
अध्यक्ष वादेबाट आयोगकाे टोलीले जापनिज रकम १० हजार र अमेरिकी डलर एक सय रुपैयाँसहित कार पनि नियन्त्रणमा लिएको छ ।
वादेलाई भक्तपुरस्थित मध्यपुर थिमि नपा ३ गठ्ठाघरबाट बुधवार राति घुस लिने क्रममा नियन्त्रणमा लिई थप अनुसन्धान सुरु गरिएकाे आयोगका प्रवक्ता नरहरि घिमिरेले बताए ।
