नेपाल टेलिकमका प्रबन्ध निर्देशक सुनिता पौडेल र सुरक्षण मुद्रण केन्द्रका कार्यकारी निर्देशक विकल पौडेललाई अख्तियार दुरुपयोग अनुसन्धान आयोगले पक्राउ गरेकाे छ ।
गैरकानुनी सम्पत्ति आर्जन गरेको भनी गरिएकाे उजुरीका आधारमा अख्तियारबाट अनुसन्धान हुँदा पौडेलद्वयले नेपाल राष्ट्र बैंकको स्वीकृति बेगर विदेशी बैंकमा विदेशी मुद्रामा खाता खोली रकम जम्मा गरेको पाइएकाे अख्तियारका प्रवक्ता नरहरि घिमिरेले जानकारी दिए ।
यसैगरी, नेपालको सरकारी सेवामा कार्यरत रहँदा अन्तर्राष्ट्रिय परामर्शदाताको पदमा औपचारिक रुपमा नियुक्ति लिएको तथा विकलले संयुक्त राज्य अमेरिकाको स्थायी आवासीय अनुमतिसमेत लिएको देखिएकाले उनीहरुले कसुरसम्बन्धी प्रमाण नष्ट गर्न सक्ने देखिएको आयोगको ठहर छ ।
साथै फरार हुने सम्भावना भई अनुसन्धान कार्यमा बाधा पुग्ने देखिएकाले सुनिता र विकललाई बुधबार नियमानुसारको उजुरी पक्राउ पूर्जी दिई हिरासतमा लिई थप अनुसन्धान अघि बढाइएकाे घिमिरेले जनाएका छन् ।
