मिर्गौला रोगसँग लडिरहेका पत्रकार प्रेम स्याङतनको गए राति ४२ वर्षको उमेरमा निधन भएको छ ।
लामो समयदेखि पत्रकारितामा सक्रिय रहेका उनको आर्थिक अवस्था भने कमजोर थियो । जसका कारण उनी पछिल्लो समय नेपाल पत्रकार महासंघको केन्द्रीय कार्यालयस्थित पत्रकार आवास गृहमा परिवारसहित बसेर डाइलासिस गराइरहेका थिए ।
उनलाई मुटु र मधुमेहको पनि समस्या थियो ।
काभ्रेको रोशी गाउँपालिका घर भएका उनको श्रीमती र दुई नाबालिका छोरीहरु छन् ।
उनी राजधानी दैनिकमा काम गर्दथे ।
पछिल्लो कालमा कतिपयले उनलाई आर्थिक सहयोग गरेका थिए । उनले आफूलाई सहयोग गर्न अनुरोध समेत गरेका थिए ।
स्याङतनकाे निधनपछि पत्रकार महासंघका महासचिव राेसन पुरीले बुधबार एक शाेक विज्ञप्ति जारी गरी नेपाली पत्रकारिता क्षेत्रले एक जुझारु र ऊर्जाशील युवा पत्रकार गुमाएकाे उल्लेख गर्दै शाेकसन्तप्त परिवारजनमा समवेदना प्रकट गरेका छन् ।