श्रम संस्कृति पार्टीका अध्यक्ष तथा प्रतिनिधिसभा सदस्य हर्क साम्पाङले देशैभरि श्रमदान, चेतना, जागरण र खबरदारी अभियानमा लाग्न आफ्ना श्रमदाताहरूलाई आह्वान गरेका छन्।
उनले विरोधीले के भन्छन् भन्ने कुराको वास्ता नगरी निरन्तर अघि बढ्न अपिल गरेका छन्।
प्रतिनिधिसभामा सात सिटसहित पहिलो प्रयासमै राम्रो उपस्थिति र प्रभाव जमाउन सफल भएका उनले सामाजिक सञ्जाल फेसबुकमार्फत यो आग्रह गरेका हुन्।
उनले हिजो प्रतिनिधिसभा सदस्यका रूपमा सपथ लिएपछि अब बन्ने बालेन साह नेतृत्वको सरकारलाई आफ्नो सिर्जनात्मक सहयोग रहने बताएका थिए।
उनले संसदमा जनताको पक्षमा सरकारमाथि कडा प्रश्नहरू उठाउने पनि बताएका छन्।
