नेपालमा पछिल्लाे २४ घण्टा ८,१३६ जनामा काेराेना संक्रमण पुष्टि भएकाे छ । पछिल्लो २४ घण्टामा देशभर २०,२८६ जनाको आरटीपीसीआर परीक्षण गरिएको छ ।
स्वास्थ्य तथा जनसंख्या मन्त्रालयका अनुसार नयाँ थपिएका संक्रमितसँगै नेपालमा कोरोनाका ४ लाख ७२ हजार ३५४ बिरामी पुगेको छ ।
पछिल्लो २४ घण्टामा ६,८९१ संक्रमित कोरोनामुक्त भएका छन् । हालसम्म तीन लाख ५२ हजार ४१४ जना कोरोनामुक्त भएका छन् ।
हाल देशभर एक लाख १४ हजार ५२९ जना आइसोलेशनमा छन् ।
मन्त्रालयका अनुसार पछिल्लो २४ घण्टामा १९६ जना संक्रमितकाे मृत्यु भएको छ । हालसम्म पाँच हजार ४११ जना संक्रमितकाे मृत्यु भएको छ ।
मन्त्रालयले कोरोनाबाट निको हुने दर ७४.६ प्रतिशत रहेको जनाएको छ ।