जनता समाजवादी पार्टी खोटाङका नेता मोहन गुरुङलाई मातृशोक परेको छ ।
जसपा प्रदेश नं १ का सदस्य रहेका नेता गुरुङको आमा झिमामाया गुरुङको १०० वर्षको उमेरमा शुक्रबार विहान ११ः५० बजे निधन भएको छ ।
रावाबेसी गाउँपालिका–६ हौंचुरकी झिमामाया पेट पोल्ने रोगबाट ग्रसित थिइन् । लेखपढ नभए पनि झिमामाया राजनीतिक रुपमा सचेत थिइन् । उनी तत्कालिन समयमा पञ्चायत व्यवस्थाको विरोधी थिइन् ।
खोटाङमा उनी पञ्चायतविरुद्ध भूमिगत भएर लड्नेहरुलाई सेल्टर दिने महिलाको रुपमा समेत चिनिएकी थिइन् ।
उनले तत्कालिन पञ्चायत व्यवस्थाविरुद्ध भूमिगत रुपमा लड्ने कम्युनिष्ट नेताहरुलाई सेल्टर दिएकी थिइन् ।
झिमामायाको निधन भएको खबर पाएपछि जसपा तथा खोटाङका नेताहरुले दुःख व्यक्त गर्दै श्रद्धाञ्जली दिएका छन् ।
