हुलाकी सडकमा पर्ने सिरहा र धनुषा जोड्ने कमला नदीकाे निर्माणाधीन पुल भत्किएपछि हिजाे सिरहामा प्रर्दशन गरिएकाे छ ।
हुलाकी सडक संघर्ष समितिले कमला पुल भत्किएको विषयमा अनुसन्धान गर्न मागसहित प्रर्दशन गरेको हाे ।
समितिले हुलाकी सडक खण्डको महावीर चोकबाट सिरहा सदरमुकामभरि नाराबाजी गर्दै स्थानीय प्रशासनलाई ज्ञापनपत्र बुझाएको छ ।
समितिका अध्यक्ष मनोज पासवानको नेतृत्वमा निकालिएको विरोध जुलुसले नाराबाजीसहित जिल्ला प्रशासन कार्यालय पुगेका थिए ।
‘तराई मधेसको रिढको रुपमा रहेको हुलाकी सडक र त्यसलाई मिथिलाञ्चलमा जोड्ने कमला पुलको उद्घाटन नहुँदै भासिएपछि वर्षादेखि जनताको आशा र भरोषामाथि तुषारापात भएको’ सिरहाका प्रमुख जिल्ला अधिकारी प्रदीपराज कणेंललाई बुझाईएको ज्ञापन पत्रमा उल्लेख गरिएको छ ।