किरात राई यायोक्खा धरान नगर समितिका उपाध्यक्ष सन्तकुमार थुलुङ राईको कोरोनाभाइरस संक्रमणबाट मृत्यु भएको छ ।
धरान उपमहानगरपालिका–१५ निवासी उनलाई गत असार ८ गते कोरोना संक्रमण पुष्टि भएको थियो ।
धरानको पुतलीलाइनस्थित विजयपुर अस्पतालमा आईसियुमा राखेर उपचार गर्ने क्रममा आज बिहान ४ः३० बजे उनको मृत्यु भएको हो ।
गत असार १७ गते अस्पताल भर्ना भएका उनलाई पछिल्लो समय निमोनिया समेत भएको थियो । जसका कारण उनको फोक्सोमा गम्भीर समस्या देखिएको थियो ।
दिवंगत राईको श्रीमती, एक छोरा र एक छोरी छन् ।
उपाध्यक्ष राईको निधनप्रति किरात राई यायाेक्खा सुनसरी जिल्ला समितिले आज एक श्रद्धाञ्जलीपत्र जारी गरी गहिराे दुःख व्यक्त गरेकाे छ ।
(किरात राई यायोक्खा धरान नगर समितिकाे उपाध्यक्ष सन्तकुमार थुलुङ राई हुनुपर्नेमा अन्यथा भएकाेले सच्याइएकाे छ । स.)