नेपालको राष्ट्रिय क्रिकेट टोलीका पूर्व कप्तान पारस खडकाले सही अवसर आए आफू राजनीतिमा आउन सक्ने बताएका छन् ।
मंगलबार मात्र अन्तर्राष्ट्रिय क्रिकेटबाट सन्यास लिएकाे घाेषणा गरेका खड्काले बुधबार काठमाडौंमा आयोजित पत्रकार सम्मेलनमा साे कुरा बताएका हुन् ।
तर तत्कालका लागि भने आफूले नेपालमा क्रिकेटकाे विकासलाई प्राथमिकता दिने प्रष्ट पारे ।
पत्रकार सम्मेलनमा उनले भने, ‘एउटा खेलाडीका रुपमा मैले पार्न सक्ने इम्प्याक्ट यति नै थियो । अब व्यवस्थापनमा आउन मन छ ।’
सन् २००४ मा नेपालको राष्ट्रिय टिममा डेब्यू गरी २००९ देखि २०१९ सम्म नेपालको कप्तानी गरेका खड्काले तत्काल आफू क्रिकेट विकास र प्रवर्धनका लागि ब्यवस्थापकीय जिम्मेवारीमा आउने बताए ।
अचानक सन्यास लिनुको कारणबारे उनले भने, ‘उमेर ३४ वर्ष मात्रै भए पनि नेपाली क्रिकेटमा मैले करिब लामो समय बिताएको छु, तसर्थ यो हतारको उद्घोष होइन ।’