स्थानीय एक युवकलाई डोरीले बाँधेर कुटपिट गर्ने जाजरकोटस्थित जुनीचाँदे गाउँपालिका–२ का वडाध्यक्ष रामबहादुर नेपाली पक्राउ परेका छन् ।
वडाअध्यक्ष नेपालीले नै गत साउन १५ गते सर्पे दमाइलाई डोरीले बाँधेर कुटपिट गरेकाे भिडियाे सामाजिक सञ्जालमा भाइरल भएकाे थियाे ।
जाजरकोट प्रहरीले उक्त भिडियाेका आधारमा वडाअध्यक्ष नेपालीलाई पक्राउ गरेकाे हाे ।
जाजरकोटका प्रहरी निरीक्षक खुमानन्द पाण्डेका अनुसार बुधबार साँझ पञ्चाला प्रहरी चौकीको टोलीले उनलाई घरबाटै नियन्त्रणमा लिएको हो ।
तर पीडकले भने वडाअध्यक्षविरुद्ध जाहेरी दिएका छैनन् ।
