जापान सरकारले अनुदानमा दिएकाे काेराेनाविरुद्धकाे खाेप अष्ट्राजेनेकाको थप २ लाख ८ हजार ६० डोज खोप नेपाल आइपुगेको छ ।
जापानले नेपाललाई दिएको १६ लाख खोपमध्येकै उक्त खाेप शनिबार बिहान काठमाडौँ आइपुगेको हो ।
कतार एयरलाइन्समार्फत खोप ल्याइएको स्वास्थ्य सचिव रोशन पोखरेलले जानकारी दिए ।
उनका अनुसार यसअघि अस्ट्राजेनेकाको पहिलो खोप लगाएर पखाइमा रहेका ६५ वर्षमाथिकालाई यो खोप लगाइने छ ।
यसअघि जापानबाट ८ लाख ४७ हजार ३२० खोप नेपाल भित्रिसकेको छ ।
बाँकी खोप भने सोमबारसम्ममा नेपाल आइपुग्ने छ । जापानले कोभ्याक्स कार्यक्रममार्फत नेपाललाई उक्त खोप दिएको हो ।