पछिल्लाे २४ घण्टामा देशभर थप एक हजार ९२० जनामा कोरोना संक्रमण पुष्टि भएकाे छ ।
कूल १२ हजार ५१६ नमूना परीक्षण गर्दा एक हजार ९२० जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
पछिल्लाे २४ घण्टामा नाै हजार ४४३ नमूनाको पीसीआर र ३ हजार ७३ नमूनाको एन्टिजेन विधिबाट परीक्षण गरिएकाे थियाे । जसमध्ये एक हजार ७०२ नमूनाको पीसीआर र २१८ नमूनाको एन्टिजेन विधिबाट संक्रमण पुष्टि भएको हो ।
यसैगरी पछिल्लाे २४ घण्टामा २ हजार २४८ जना कोरोनामुक्त भएका छन् । योसँगै नेपालमा कोरोनामुक्त हुनेहरुकाे संख्या ६ लाख ९८ हजार १७३ पुगेको छ ।
मन्त्रालयका अनुसार पछिल्लो २४ घन्टामा कोरोनाबाट थप २४ जनाको मृत्यु भएको छ । योसँगै कोरोनाबाट मृत्यु हुनेको संख्या १० हजार ५०९ पुगेको छ ।