दक्षिण ललितपुरको बागमती गाउँपालिका–६ आश्राङ र वडा नम्बर ७ गिम्दीको सङ्गमस्थल शुभाने खोलाले बगाउँदा एक महिलाको मृत्यु भएको छ । अर्की एक बालिका बेपत्ता भएकी छन् ।
विगत तीन दिनदेखि आएको अविरल वर्षासँगै शुक्रबार बाढीले बगाउँदा स्थानीय ४० वर्षीया महिलाको ज्यान गएको हो ।
वडा नम्बर ७ का अध्यक्ष नवराज सञ्जेलले दिउँसो ४ः३० बजेतिर खोला तर्ने क्रममा आएको बाढीले बगाउँदा अन्दाजी आठ वर्षीया बालिका बेपत्ता भएको जानकारी दिए ।
स्थानीयवासी उद्धव घिमिरेका अनुसार ज्यान गुमाउने स्थानीय सञ्जु सिङतान रहेको बताए । बेपत्ता भएकी बालिकाको भने अझै परिचय खुल्न नसकेको उनले बताए ।
महानगरीय प्रहरी वृत चापागाउँका प्रहरी निरीक्षक राजेन्द्र क्षेत्रीले घटनाको सूचना पाउनासाथ प्रहरी टोली घटनास्थलतर्फ लागेको जानकारी दिए ।