पितृ तथा प्रकृति पुजक किरात राईहरुको बस्तीमा चाबुवा/दिवापा/छौवा/न्वागी गर्न थालिएको छ ।
राईहरुमा हरेक वर्ष अन्नबाली तथा खानेकुराहरु पाकेपछि पितृलाई चढाएर मात्र आफूले खाने चलन छ ।
राईहरुको टोल तथा बस्तीहरुमा धामी वा नछुङहरुबाट घरघरमा यो पुजा गरिन्छ ।
सामान्यतः हरेक वर्ष भदौ महिनामा गरिने यस पुजामा नयाँ फलेको धानको परिकार, पाङ्दुर कोदो र नयाँ (बेछु) अदुवा पितृलाई चढाउने गरिन्छ ।
चाम्लिङ राईहरुले छौवा भनेर गर्ने यस पुजापछि मात्र नयाँ अदुवा खाने गरिन्छ । यस चाडमा बालीनाली लगाउन प्रयोग गरिएका विभिन्न औजारहरुलाई पनि पुज्ने गरिन्छ ।
राईहरुको बस्तीमा स्थानीय धामी र गाउँलेहरुको सरसल्लाह अनुसार भदौ महिनाभित्रमा यो पुजा गर्ने चलन छ ।
