साेमबार बिहानदेखि परेकाे वर्षाका कारण काठमाडाैँकाे बागमती लगायत नदीहरुमा आएकाे बाढीले नदी आसपासका क्षेत्र डुबानमा परेकाे छ ।
बाढीले बागमती नदीकाे शंखमुल, थापाथली, त्रिपुरेश्वर, टेकुदेखि चोभारसम्म नै दुवै किनार डुबानमा परेकाे हाे ।
बल्खुकाे तरकारी बजार, कुलेश्वरको हाउजिङ क्षेत्र, कोटेश्वरको नरेफाँट क्षेत्र, बालाजु नेपालटारको तल्लो क्षेत्र र कालिमाटीको तरकारी बजार क्षेत्र समेत डुबानमा परेकाे प्रहरीले जनाएकाे छ ।
बाढीका कारण ३८२ घर डुबानमा परेका छन् ।
