गत असोज ४ गते काठमाडौंको कपनको मिलनचोकमा पानी परेका बेला ढलमा खरेर बेपत्ता भएका बालकको शव शनिबार राति भेटिएको छ ।
ललितपुर प्रहरी प्रमुख किरण बज्राचार्यले ललितपुर र मकवानपुरको सीमा क्षेत्रमा पर्ने बागमती गाउँपालिका–१ घुसेलमा बालकको शव भेटिएको बताए ।
असोज ४ गते साँझ ढलमा खसेका १० वर्षीय बालक उज्ज्वल विश्वकर्माको शव कपडाको आधारमा परिवारले पहिचान गरेको उनले बताए ।
उनका अनुसार शव बागमती नदी किनाराबाट मूल सडकसम्म ल्याउन करिब दुई घण्टा पैदल हिँड्नुपर्छ ।
शव पोष्टमार्टमका लागि पाटन अस्पताल लगिने र पोष्टमार्टमपछि परिवारलाई दिइने एसएसपी बज्राचार्यले बताए ।