चीनले युगान्डाको एक मात्र अन्तर्राष्ट्रिय विमानस्थल आफ्नो कब्जामा लिने भएको छ ।
युगान्डाले ऋण तिर्न नसक्दा चीनले युगान्डाको एन्टेबे अन्तर्राष्ट्रिय विमानस्थल आफ्नो कब्जामा लिने भएको हो ।
युगान्डाका राष्ट्रपति योवेरी मुसेभेनी नेतृत्वको तत्कालिन सरकारले सन् २०१५ मा सो विमानस्थल विस्तारका लागि चीनको एक्स्पोर्ट–इम्पोर्ट बैंकबाट २०७ मिलियन डल ऋण लिएको थियो ।
सात वर्षभित्र सो ऋण चुक्ता गर्ने सम्झौता भएको थियो ।
सम्झौताबमोजिम युगान्डाले तोकिएको समयावधिभित्र ऋण तिर्न नसक्ने भएपछि चीनले सो अन्तर्राष्ट्रिय विमानस्थल आफ्नो कब्जामा लिने भएको स्थानिय मिडियालाई उद्धृत गर्दै अन्तर्राष्ट्रिय मिडियाले जनाएका छन् ।
चीनसँग सो सम्झौतामा पुनः वार्ता गर्न गत मार्चमा राष्ट्रपति मुसेभेनीले पत्र पठाएको समेत उल्लेख गरिएको छ । तर सो प्रस्ताव असफल भएको बताइएकाे छ ।