प्रहरीले भ्रामक समाचार वा भिडियो सम्प्रेषण गर्ने एक जना युट्युबरलाई पक्राउ गरेको छ । पक्राउ पर्नेमा गुल्मी स्थायी घर भई बुटवल–१३ रुपन्देहीमा बस्ने २१ वर्षीय राहुल थापा रहेका छन् ।
प्रहरी प्रधान कार्यालय साइबर ब्युरोका प्रवक्ता तथा प्रहरी वरिष्ठ उपरीक्षक नविन्द अर्यालले आज एक प्रेस विज्ञप्ति जारी गरी थापालाई पक्राउ गरिएको बताए ।
उनलाई हिजो पक्राउ गरी विद्युतीय कारोबार ऐन २०६३ अनुसार कारबाही अघि बढाइएको छ ।
थापाले ‘सेलेब नेपाल’ नामको युट्युब च्यानलबाट पीडितको मानमर्दन र चरित्र हत्या गर्ने सामग्री सम्प्रेषण गरेको प्रहरीले जारी गरेको विज्ञप्तिमा उल्लेख छ ।
