काठमाडाैं उपत्यकामा रहेका सुकुमबासीहरुले यथास्थानमै लालपुर्जा पाउनुपर्ने माग राखेर प्रदर्शन गरेका छन् ।
सरकारले बिनाविकल्प सुकुमबासीहरुलाई उठीबासको सूचना जारी गरेकाे भन्दै उनीहरुले आज यथास्थानमै लालपुर्जा पाउनुपर्ने माग राखेर माइतीघरदेखि नयाँ बानेश्वरसम्म नाराजुलुससहितकाे प्रदर्शन गरेका हुन् ।
प्रदर्शन संयुक्त राष्ट्रिय सुकुमबासी मोर्चा नेपालको अगुवाइमा भएकाे हाे ।
साे अवसरमा माेर्चाले स्थायी विकल्प बिना उठीबास गराउन खाेज्ने कार्य सधैंका लागि बन्द गर्न माग गर्दै १० बुँदे काठमाडाैं उपत्यका घोषणापत्र समेत जारी गरेकाे छ ।
मोर्चाका अध्यक्ष कुमार कार्कीले सरकारको एउटा निकायले लालपुर्जा दिन फारम भर्ने, अर्को निकायले उठीबासको सूचना टास्दै हिडेकाेले सरकारको द्वैध चरित्र देखिएकाे बताए ।
उनले सुकुमबासीहरुको अधिकार प्राप्तिको निम्ति आन्दाेलन गर्दा आन्दोलनलाई कमजाेर बनाउन विभिन्न बहानाबाजी गरेर मोर्चालाई फुटाउने प्रयास गरिएकाे समेत बताए ।