Wednesday, February 8, 2023
11.8 C
Diktel

सुरु भयाे काठमाडौंदेखि धनकुटा र दमकसम्मकाे एकल म्याराथन दाैड

म्याराथन दाैड ५ दिनमा पूरा हुने

‘सबैका लागि खेलकुद हाम्रो अभियान, समुन्नत संघीय समाजवाद राष्ट्रको पहिचान’ भन्ने नाराका साथ काठमाडौंदेखि धनकुटा र झापाको दमकसम्म एकल म्याराथन दौड सुरु भएको छ ।

जनता समाजवादी पार्टी नेपाल निकट संघीय समाजवादी खेलकुद महासंघकाे आयोजनामा आजदेखि उक्त म्याराथन दौड सुरु भएको हो ।

काठमाडौंको दशरथ रङ्गशालाबाट बिहान ८ बजे दुई जना खेलाडी म्याराथनमा निस्केका छन् ।

काठमाडौंदेखि धनकुटाको टुँडिखेलसम्मका लागि डेबिट खेवा लिम्बू र दमकसम्मका लागि मेघराज राई निस्केका हुन् ।

चर्चित धावक बैकुण्ड मानन्धर र मिरा राईसहितकाे उपस्थितिमा उनीहरु एकल म्याराथन दाैडमा निस्केका हुन् ।

उनीहरुले पाँच दिनभित्रमा म्याराथन दौड पुरा गर्ने महासंघका अध्यक्ष नेत्रबहादुर नेम्वाङले बताए । उनीहरुलाई बाटाेमा आवश्यक परेकाे खण्डमा रेस्क्यु गर्ने गरी तयारी समेत गरिएको उनले बताए ।

खेल क्षेत्रकाे समग्र विकास र विस्तार गर्न अनुशासित जनशक्ति तयार गर्दै जनजागरण पैदा गर्ने, रोग प्रतिरोधात्मक क्षमताको विकास गर्ने र खेलकुदलाई जीवनको अभिन्न अंग बनाउने उदेश्यका साथ म्याराथन दाैडकाे आयोजना गरिएकाे महासंघले जनाएकाे छ ।

प्रतिक्रिया लेख्नुहाेस्

Please enter your comment!
Please enter your name here

सम्बन्धित समाचार

याे पनि पढ्नुस्