किरात राई यायोक्खाकाे ११औं राष्ट्रिय महाधिवेशन आगामी असोज १ देखि ३ गतेसम्म काठमाडौंमा गरिने भएको छ ।
यायोक्खाले गत असार ११ गते बैठक बसी महाधिवेशनकाे मिति टुंगो लगाएको हो ।
महाधिवेशनका लागि यायोक्खाका अध्यक्ष दिवस राईको संयोजकत्वमा ६१ सदस्यीय मूल आयोजक समिति गठन गरिएकाे छ भने विभिन्न १३ वटा उपसमितिहरु पनि गठन गरिएको छ ।
यायोक्खाले प्रदेश नं १ लाई किरात प्रदेश नामकरण गराउनका लागि दबाब सिर्जन गर्ने निर्णय पनि गरेको अध्यक्ष राईले जानकारी दिए ।
बैठकले यायोक्खाको ३५औं स्थापना दिवस आगामी साउन २२ गते काठमाडौंमा मनाउने निर्णय गरेको छ ।
