सरकारले फेरि इन्धनको मूल्य वृद्धि गरेको छ ।
नेपाल आयल निगमले सोमबार राति १२ बजेदेखि लागू हुने गरी पेट्रोलमा प्रतिलिटर दुई रुपैयाँ, डिजेल र मट्टीतेलमा ९–९ रुपैयाँ बढाएको छ ।
आयल निगमका प्रवक्ता विनितमणि उपाध्यायका अनुसार हवाई इन्धनको अन्तरिकतर्फ प्रतिलिटर पाँच रुपैयाँले बढेको छ ।
बढेको मूल्य अनुसार पेट्रोल अब लिटरको १८१ रुपैयाँ पर्नेछ भने डिजेल र मट्टीतेल १७२ रुपैयाँ पुगेको छ ।
हवाई इन्धन आन्तरिकतर्फ १९० रुपैयाँ पुगेको छ ।
खाना पकाउने एलपी ग्यासको मूल्य भने यथावत राखिएको छ ।
