खाेटाङस्थित केपिलासगढी गाउँपालिकाले प्राकृतिक विपत्तिमा परेकाहरुलाई तत्काल उद्धार र सहयोग पुर्याउने उद्देश्यले ‘विपत् तथा राहत कोष’ निर्माण गरेकाे छ ।
गत साेमबार बसेकाे कार्यपालिकाकाे बैठकले उक्त काेष निर्माण गर्ने निर्णय गरेकाे हाे । जसमा तत्काल दुई लाख रुपैयाँ जम्मा गरिने छ ।
गाउँपालिकाका अध्यक्ष समिर राईले बर्खायाममा अधिकांश वडाहरुमा बाढी र पहिरोबाट मानिसहरु विस्थापित हुने गरेकाले उनीहरुको सहयोगका लागि कोष खडा गरिएकाे बताए ।
काेषमा सबै जनप्रतिनिधिहरुको एक दिनको सेवा सुविधा जम्मा गरिने र कर्मचारी, शिक्षक लगायत सबैलाई कोषमा सहयोग जम्मा गर्न अनुरोध गरिनेछ ।
अध्यक्ष राईका अनुसार गाउँपालिका भित्रका उधोगी, व्यापारी, देश-विदेशमा रहेकाहरुलाई समेत कोषमा सहयोग गर्न आग्रह गरिनेछ ।
कोषकाे संयोजकमा गाउँपालिका अध्यक्ष र सचिवमा प्रमुख प्रशासकीय अधिकृत हुनेछन् ।
