जनयुद्धकाे जगमा जनआन्दोलनको उपलब्धि गणतन्त्र लगायतमाथि आज जुन संकटको चर्चा छ, त्यसको प्रारम्भिक कारक तत्व वैद्य-विप्लवको वाम विसर्जनवाद हो । जसले प्रथम संविधानसभाबाट अधिकतम् प्रगतिशील संविधान निर्माणको परिस्थिति भाँड्यो ।
संविधानसभाबाट अधिकतम् प्रगतिशील संविधान बन्न पाएको भए जनता अधिकतम् अधिकारसम्पन्न हुने थिए र आजको रडाको देख्नुपर्ने थिएन ।
दोस्रो, तर मुख्य कारकत त्व दक्षिणपन्थी विसर्जनवादी प्रचण्ड हुन्, जसले पहिचानकाे मुद्दा त्यागेर पार्टीलाई खड्गप्रसाद ओलीको बाहुनवादी भाँडामा घोप्ट्याए ।
न्युनतम प्रगतिशील संविधान बन्नासाथ पार्टी त्यागेर भाग्ने बाबुराम पनि दक्षिणपन्थी छँदै थिए ।
कांग्रेस-एमालेलाई राष्ट्रपतिको कुर्सी बाहेक गणतन्त्र, धर्मनिरपेक्षता, समानुपातिक समावेशीकरण र संघीयताकाे सिद्धान्त चाहिएकै होइन ।
प्रचण्ड-बाबुराम, वैद्यले यी उपलब्धिहरुको रक्षा गर्ने राजनीतिक एवम् नैतिक मूल्य स्वयम् सखाप पारिसकेका छन् ।
तसर्थ, यी उपलब्धिहरुको रक्षाका निमित्त गणतन्त्रको गुणात्मक विकास सर्त स्वीकार गर्दै संविधान पुनर्लेखन कार्यसूचिमा तेस्रो जनआन्दोलन तयारी एक मात्र अग्रगामी समाधान हो ।
[गाेपाल किरातीकाे फेसबुकबाट ।]