जनता समाजवादी पार्टी (जसपा) ले बौद्धिक पेसाकर्मी महासंघ र सो अन्तर्गतका घटक संगठनहरुको पुनर्गठन गर्नका लागि अधिवक्ता वीरेन्द्र ठाकुरको संयोजकत्वमा ३ सदस्यीय कार्यदल गठन गरेको छ ।
जसमा प्राध्यापक मञ्जारुल अन्सारी र डा दिलिप यादव सदस्य छन् ।
कार्यदलले यही साउन महिनाभित्रै महासंघ र सो अन्तर्गतका घटकहरुको पुनर्गठन गर्नुपर्ने जिम्मेवारी पाएको छ ।
महासंघ अन्तर्गत चिकित्सक, प्राध्यापक, पत्रकार, कानुन व्यवसायी, शिक्षक, निजामती कर्मचारी लगायत १० वटा घटक संगठनहरु रहेका छन् ।
