नेकपा एमालेका नेता गंगााराम यादवले आफ्नै पार्टीका कारण लाखौँ मधेसीका सन्तान नागरिकताबाट बञ्चित हुन पुगेको भन्दै पार्टी परित्याग गरेका छन् ।
सोमबार बिहान जनकपुरधाममा पत्रकार सम्मेलनको आयोजना गरेर नेता यादवले पार्टी परित्यागको घोषणा गरेका हुन् ।
उनले भने, ‘आफ्नै देशमा नागरिकलाई नागरिताबाट बञ्चित गर्ने पार्टीमा बसिरहने मेरो नैतिकताले साथ दिएन र पार्टी परित्याग गरेको छु ।’
उनी कुन पार्टी जाने विषयमा अहिले खोल्न भने चाहेका छैनन् ।
तर उनी १२ असोजमा धनुषामा हुने पार्टी प्रवेश कार्यक्रममा विधिवत् रुपमा जनता समाजवादी पार्टी नेपालमा प्रवेश गर्ने बताइएकाे छ ।
