माओवादी केन्द्रमा प्रवेश गरेकी जनता समाजवादी पार्टी नेपालकी केन्द्रीय सदस्य गीता श्रीवास्तव पार्टीमै फर्किएकी छन् ।
जसपा नेपाल लुम्बिनी प्रदेशका सहइन्चार्ज नविनकुमार सुनुवारका अनुसार श्रीवास्तव पुनः पार्टीमै फर्किएकी हुन् ।
जसपामा फर्किएपछि उनले आफूले भुल गरेको स्वीकार गरेकी छन् ।
उनले देशको परिवर्तनका लागि सही दृष्टिकोण बोक्ने पार्टी जसपा नेपाल नै भएकोले पार्टीमै फर्किएको बताएकी छन् ।
उनले अब आफूले पार्टीलाई बैकल्पिक राजनीतिक शक्ति निर्माणको पक्षमा लाग्ने प्रतिबद्धता जनाएकी छन् ।
