पूर्वराजा ज्ञानेन्द्र शाहले यसपटकको दसैंमा पनि सर्वसाधारणलाई टीका नलगाइदिने भएका छन् ।
डेंगु रोगको महामारी फैलिरहेका बेला शाहले सर्वसाधारणलाई टीका नदिने निर्णय लिएको उनका संवाद सचिव फणी पाठकले सामाजिक सञ्जालमार्फत जानकारी दिएका छन् ।
विज्ञप्तिमा भनिएको छ, ‘नेपाली जनजीवन स्वास्थ्यका कारण आक्रान्त भइरहेको विषम परिस्थितिलाई ध्यानमा राखेर शाहले यसपालि शक्तिपिठको दर्शन नगर्ने तर निवासबाट भक्तिभाव राख्ने तथा सार्वजनिक टीका कार्यक्रम नगर्ने भएको छ ।’
