काठमाडौं । जनता समाजवादी पार्टी नेपालका राजनीतिक समिति सदस्य राजन केसीले जसपा उत्पीडित खसहरुको सारथी भएको बताएका छन् ।
ललितपुरकाे बालकुमारीस्थित पार्टी केन्द्रीय कार्यालयमा सञ्चारकर्मीसँग कुरा गर्दै उनले उक्त कुरा बताएका हुन् ।
‘जसपाले खसहरुको पहिचान र अधिकार मात्र हैन खस आन्दोलनले उठाएको मर्मलाई स्वीकार गरेको छ । पुराना पार्टीहरु अझै पनि खसहरुको अधिकारका सवालमा प्रष्ट हुन सकेका छैनन,’ उनले भने ।
खसान सभ्यता लोप हुँदै गएको र संघीयताको अभ्यासमार्फत उत्पीडित खसहरुको सांस्कृतिक पुनर्जागरणमा जसपाले नै साथ दिने उनको भनाइ छ ।
