काठमाडौं । जनता समाजवादी पार्टी सरकारमा जाने भएको छ ।
जसका लागि पार्टी अध्यक्ष उपेन्द्र यादव, संघीय परिषद् अध्यक्ष अशोक राई र केन्द्रीय कार्यकारिणी सदस्य राजेन्द्र श्रेष्ठसहित नेताहरुले प्रधानमन्त्री पुष्पकमल दाहाल प्रचण्डसँग वार्ता गर्ने छन् ।
बुधबार ललितपुरको बालकुमारीमा बसेको केन्द्रीय कार्यकारिणी समितिको बैठकले सरकारमा जानका लागि तीन नेताले समन्वय गर्ने जिम्मेवारी दिएकाे हाे ।
बैठकले आगामी वैशाख १० गते हुने उपनिर्वाचनका लागि उम्मेदवार छनोटका लागि तल्लो कमिटीबाटै नाम पठाउन लगाउने निर्णय पनि गरेको छ ।
वैशाख १० गते तनहुँ–१, बारा–२ र चितवन–२ मा उपनिर्वाचन हुँदै छ ।
