सत्ता र निजी स्वार्थका लागि आफ्नै समुदायकाे पहिचान, संस्कृति र अधिकारविरुद्ध उभिने नेताहरुका बारेमा अब किताब नै तयार गरिदैँ छ ।
सांस्कृतिक अभियान्ता भद्रगोल किरातीले त्यस्ता नेताहरुबारे किताब लेख्ने काम भइरहेको जनाएका छन् । जसको शीर्षक ‘इतिहासमा वंश गद्दाहरु’ रहने छ ।
किरातीले सामाजिक सञ्जालबाट किताबको तयारीबारे जानकारी दिँदै अमूल्य सुझाव पठाउन अनुरोध गरेका छन् ।
प्रदेश नं १ लाई पहिचानको आधारमा नामकरण गर्न माग गरिरहेका पहिचानवादीहरुले पहिचानविरुद्ध लाग्ने आफ्नाे जाति वा समुदायका नेता तथा सांसदहरुलाई वंश गद्दार भन्दै बहिष्कार गर्ने, कालो झन्डा देखाउने लगायतका आन्दोलन गरिरहेका छन् ।
उनीहरुले प्रदेश नं १ पुनः नामाङ्कन संयुक्त संघर्ष समिति निर्माण गरी प्रदेश नं १ लाई कोशी नाम राख्न सहयाेग गर्ने ८२ जना प्रदेश सांसदहरुलाई कोशी नाम खारेज गरी पहिचानको आधारमा नामकरण नभएसम्म बहिष्कार गर्ने, कालो झन्डा देखाउने नीति लिएका छन् ।
पहिचानविरुद्ध लाग्ने आफ्नै समुदायका नेताहरुलाई उनीहरुले केही समयअघि वंश गद्दार घोषणा गरेका थिए ।
किताबमा कुन कुन समयमा क-कसले वंश गद्दार गरेका थिए भन्नेबारे जानकारी दिनेछ ।
रास्ट्रघात को पनि नाम लेखौ