नेपाली कांग्रेसले प्रधानमन्त्री केपी ओलीलाई विश्वासकाे विपक्षमा मत हाल्ने भएकाे छ ।
मंगलबार पार्टी सभापति शेरबहादुर देउवा निवास बुढानिलकण्ठमा बसेको बैठकले ओली सरकारलाई विश्वास नदिने निर्णय गरेकाे हाे ।
नेकपा एमालेका अध्यक्ष समेत रहेका प्रधानमन्त्री ओलीले यही वैशाख २७ गते विश्वासकाे मत लिनका लागि प्रतिनिधिसभाको विशेष अधिवेशन आह्वान गरेका छन् ।
तर, संसदमा हाल ६१ सांसद रहेकाे कांग्रेसले ओलीलाई विश्वासकाे मत नदिने र अर्काे सरकार बनाउन पहल गर्ने निर्णय गरेकाे छ ।
ओलीलाई संसद विश्वासको मत लिन १३६ जना सांसदको समर्थन चाहिन्छ । एमाले एक ढिक्का रहेको अवस्थामा र जसपाकाे महन्थ ठाकुर समूहले समर्थन गरेको अवस्थामा ओलीको पक्षमा बहुमत पुग्ने देखिन्छ ।
तर, एमालेका माधव नेपाल समूहले ओलीलाई सघाउने छैन । जसपाले पनि ओलीलाई सघाउने परिस्थिति बन्ने देखिदैन ।