जनता समाजवादी पार्टीका वरिष्ठ नेता अशोक राईले पाँच दलीय गठबन्धन समयको आवश्यकताले निर्माण गरिएकोले उक्त गठबन्धन जारी रहने बताएका छन् ।
उनले नेपाली कांग्रेस, नेकपा माओवादी केन्द्र, जनता समाजवादी पार्टी र नेकपा एमाले (माधव नेपाल समूह)को गठबन्धनलाई आपूmहरुले आवश्यक रहिञ्जेल टिकाउने बताए ।
उनले भने, ‘यो गठबन्धन टिक्नुपर्छ । यो हाम्रो रहरले बनेको गठबन्धन होइन, यो समयको आवश्यकताले निर्माण भएको हो र जबसम्म आवशयक रहन्छ तबसम्म टिक्नुपर्छ, हामी टिकाउँछाैं।’
उनले मानिसमा कमीकमजोरी हुनु स्वाभाविक रहेको भन्दै कमजोरीहरुलाई हटाउँदै गठबन्धन अघि बढ्ने बताए ।
शुभचिन्तकहरुसँग उनले भने, ‘कमीकमजोरी भयो भने औल्याउनुहोला, हामी त्यसलाई सच्याएर लानेछौं ।’
सो क्रममा उनले प्रधानमन्त्री केपी ओलीले राज्यलाई सुदृढ गर्ने सही ढंगले सञ्चालन गर्ने र जनतालाई सेवा दिने हिसाबले भन्दा पनि आफूलाई बलियो पार्ने गरी संवैधानिक अंगहरुको नियुक्ती गरेको बताए ।
प्रधानमन्त्री ओलीले आसेपासेहरुलाई मात्र नियुक्ती गरेको र यो नै ओली प्रवृत्ति रहेको औल्याए ।