नेपाली कांग्रेसका नेता गगन थापाले पार्टीकाे बैठक बालुवाटारमा नराख्न प्रधानमन्त्री शेरबहादुर देउवालाई आग्रह गरेका छन् ।
कांग्रेस सरकारमा गए लगत्तै प्रधानमन्त्री देउवाले सरकारी निवास बालुवाटारमै पार्टीकाे पदाधिकारी बैठक राखेका थिए । देउवाकाे उक्त कदमकाे विराेध गरिएकाे थियाे ।
यसअघि नेकपा एमालेका अध्यक्ष केपी ओलीले बालुवाटारलाई पार्टी कार्यालय जस्ताे बनाएका थिए ।
बालुवाटारमा पार्टीकाे बैठक र कार्यक्रमहरु गर्ने सुरुवात उनले नै गरेका हुन् । उनले पार्टीकाे हरेक बैठक बालुवाटारमै राख्थे ।
कांग्रेस सभापति देउवा प्रधानमन्त्री नियुक्त भएपछि उनले पनि पार्टीकाे बैठक बालुटारमा राख्न थालेका छन् ।
नेता थापाले फेसबुकमा भनेका छन्, ‘प्रधानमन्त्री शेरबहादुर देउवालाई बालुवाटारमा पार्टीको कुनै पनि बैठक नराख्न अनुरोध गरेका छौं । उहाँले पार्टी कार्यालयमा धर्ना भएको कारणले यो पटक बालुवाटारमा भएको हो, तर जे भए पनि अब देखि त्यस्तो हुने छैन र गरिन्नु भन्ने विश्वास दिलाउनु भएको छ ।’
