नेकपा एमालेका अध्यक्ष केपी ओलीले पार्टी एकताका लागि वरिष्ठ नेता माधवकुमार नेपाललाई दाेस्राे अध्यक्ष बनाउन तयार रहेकाे बताएका छन् ।
हिजाे पार्टीको केन्द्रीय कमिटी बैठकमा अध्यक्ष ओलीले पार्टी एकताका लागि आफू हदैसम्म लचिलो बनेको र एकताकै लागि नेपालाई दोस्रो अध्यक्ष दिन तयार रहेकाे बताएका हुन् ।
ओलीले बैठकमा पार्टी एकताका लागि अन्तिमसम्म पनि प्रयास गर्ने बताएका थिए ।
उनले १० बुँदे सहमति कार्यान्वयनमा आफू प्रतिबद्ध रहेको समेत बताए । एकता भएमा पार्टीकाे सबै संरचना २०७५ साल जेठ २ गतेकै अवस्थाबाट क्रियाशील हुने उनको भनाइ थियो ।
उनले भने, ‘माधव नेपालले दोस्रो अध्यक्ष मागे । मिल्ने हो भने पार्टी एकता बचाउन दोस्रो अध्यक्ष दिन तयार छु । तर, मैले यतिभन्दा पनि एकताप्रति इच्छा देखाइएको छैन । अनेक बहाना खोजिएको छ ।’