लुम्बिनी प्रदेशसभाका जनता समाजवादी पार्टी (जसपा) का तीन जना सांसद पदमुक्त भएका छन् ।
पदमुक्त हुनेहरुमा सन्तोषकुमार पाण्डेय, विजयबहादुर यादव र कल्पना पाण्डेय छन् ।
पार्टी निर्णय विपरीत तत्कालिन नेकपा एमाले नेतृत्वकाे सरकारमा सहभागी भएपछि जसपाले उनीहरुलाई कारवाही गरेकाे थियाे ।
सरकारमा सहभागी भएपछि सन्ताेषकुमार पाण्डेय भौतिक पूर्वाधार विकास मन्त्री, विजयबहादुर यादव भूमि व्यवस्था, कृषि तथा सहकारी मन्त्री, कल्पना पाण्डेय शिक्षा तथा सामाजिक विकास मन्त्री र सुमन शर्मा भौतिक पूर्वाधार विकास राज्यमन्त्री बनेकी थिइन् ।
शर्माले भने केही समयपछि सरकारबाट बाहिरिदै पार्टी नेतृत्वसँग माफ मागेकी थिइन् ।
जसपाले शर्मा बाहेक तीन जनालाई पार्टीबाट निष्कासन गरिएकाे पत्र हिजाे मात्र प्रदेशसभा सचिवालयलाई बुझाएकाे थियाे ।
प्रदेशसभा सचिव दुर्लभकुमार पुन मगरले आज एक सूचना पत्र निकाल्दै उनीहरु पदमुक्त भएकाे जनाएका हुन् ।
