नेकपा एमाले (केपी ओली) की नेतृ तथा सांसद गंगा चौधरीले विदेशी हस्तक्षेपका कारण केपी ओली नेतृत्वको सरकारले काम गर्न नसकेको बताएकी छन् ।
आज प्रतिनिधिसभाको बैठकको विशेष समयमा बाेल्दै सांसद चौधरीले भनिन्, ‘एमाले सरकारको पालामा धेरै महत्वपूर्ण कार्य गर्न गइरहेको थियो । तर छिमेकी देशकाे दबालले केही गर्न पाएन । हामी नबुझ्ने छैनौ बुझेरै यहाँ आएका छौं ।’
सोही क्रममा उनले एमाले नेतृत्वको सरकार भएको बेला डेढ वर्षमा धेरै काम गरिएको दाबी गरिन् । तर उनले डेढ वर्ष समय त कोरोना महामारीको लकडाउनमै बितेको भन्दै विरोधाभाषपूर्ण कुरा व्यक्त गरिन् ।
उनले अहिलेसम्म मन्त्रिमण्डल गठन हुनु नसक्नुको पछाडि करोडौ मूल्यमा सांसदहरुको किनबेच भइरहेको बताइन् ।
उनले नेताहरुले अकुत सम्पति कमाएको भन्दै सबै नेताहरुको सम्पति छानबिन गर्न माग पनि गरिन् ।
