जनता समाजवादी पार्टीका प्रचार विभाग प्रमुख डम्बर खतिवडाले प्रधानमन्त्री शेरबहादुर देउवाले दल विभाजन अध्यादेश ल्याउन लागेको हल्ला सत्य भए त्यो ओलीतन्त्रकै अर्को किस्ता हुने बताएका छन् ।
खतिवडाले संसदलाई छलेर अध्यादेशबाट कानुन ल्याउने संसदीय विकृति बारम्बार नदोहोर्याउन आग्रह समेत गरे ।
उनले संसदीय प्रणाली घाँडो सावित भएको भए राष्ट्रिय सहमतिमा शासकीय स्वरुप परिवर्तन गर्न प्रस्ताव गरे ।
देउवा सरकारले माधव नेपाल पक्षलाई सजिलो हुने गरी दल विभाजन सम्बन्धी अध्यादेश ल्याउन लागेको भए माधव नेपाल पक्षले कुनै नैतिक र साहसिक विकल्प खोज्नुपर्ने बताए ।
नेता खतिवडाले मंगलबार फेसबुकमा लेख्दै यो कुरा बताएका हुन् ।
