जनता समाजवादी पार्टी, नेपालबाट निष्कासनको कारवाहीमा परेको महन्थ ठाकुर र राजेन्द्र महतो समूहले बुधबार ‘जनता समाजवादी पार्टी, नेपाल लोकतान्त्रिक’ गठन गर्नका लागि निर्वाचन आयोगमा निवेदन दिएको छ ।
नेपाली कांग्रेस सभापति शेरबहादुर देउवा नेतृत्वको सरकारले दल विभाजन सम्बन्धी अध्यादेश जारी गर्नासाथ ठाकुर–महतो समूहले अलग पार्टी बनाउनका लागि आयोगमा निवेदन दिएको हो ।
ठाकुर–महतो समूहको पार्टीको केन्द्रीय कार्यकारिणी समिति २४ सदस्यीय छ । जसको अध्यक्षमा महन्थ ठाकुर छन् भने वरिष्ठ नेतामा राजेन्द्र महतो छन् ।
ठाकुरले डा. बाबुराम भट्टराई, उपेन्द्र यादव र अशोक राई प्रमुख नेता रहेको जसपा नेपाल भन्दा ठूलो पार्टी बनाउने घोषणा पनि गरेका छन् ।
तर ठाकुर नेतृत्वको प्रस्तावित पार्टीमा एक दम्पती बाहेक सबै मधेसी मात्र छन् ।
२४ जना कार्यकारिणी सदस्यहरुमध्ये दानबहादुर विश्वकर्मा र कलुदेवी विश्वकर्मा पतिपत्नी हुन् ।
नामावलीः
