जनता समाजवादी पार्टी, नेपालका कार्यकारिणी सदस्य महेन्द्र राय यादवले पार्टीका केही बेइमानहरुले प्रतिगमनको साथ लागेर पार्टी छोडेको बताएका छन् ।
संविधान संशोधन, पहिचानसहितको संघीयता, राष्ट्रपतीय शासन प्रणाली, खर्चिलो र भ्रष्टाचारजन्य निर्वाचन प्रणालीको सुधार लगायतका लागि अग्रगामी शक्तिहरु एकता गरेर अघि बढ्नुपर्ने बेला पार्टीका बेइमानहरुले प्रतिगमनलाई साथ दिएर पार्टी छोडेको उनको भनाइ छ ।
बुधबार प्रदेश नं १ को विराटनगरमा पार्टीले आयोजना गरेको प्रदेश स्तरीय अभिमुखीकरण कार्यक्रमलाई सम्बोधन गर्ने उनले सो कुरा बताएका हुन् ।
उनले देशका उत्पीडितहरुको पहिचान र अधिकार स्थापित गर्नका लागि एकता नै आजको प्रमुख आवश्यकता रहेको बताए ।