नेकपा एमाले महासचिव ईश्वर पोखरेलले पार्टीको १०औँ महाधिवेशनमा अध्यक्ष पदमा उम्मेदवारी दिने घाेषणा गरेका छन् ।
सोमबार पत्रकारसँगकाे भेटघाटमा पोखरेलले नेतृत्वमा आफ्नो दाबी रहने घोषणा गरेका हुन् ।
एमालेको १०औँ महाधिवेशन आगामी मंसिर १० देखि १३ गतेसम्म काठमाडौँमा हुँदैछ । पोखरेलले आफू दुईपटक महासचिव भइसकेको र तेस्रोपटक हुन विधानले नदिने भएकाले अबको स्टेप अध्यक्ष नै भएको बताए ।
उनले भने, ‘मलाई अध्यक्ष पद डिजर्भ गर्छ ।’
आफू अध्यक्षमा लड्न योग्य भएको र पार्टी पंक्तिको भावनाअनुसार नेतृत्व लिन अग्रसर हुने पोखरेलको भनाइ छ ।
अहिलेसम्म एमालेमा अध्यक्ष केपी ओलीबाहेक अरु कसैले पनि नेतृत्वमा दाबी गरेको छैन ।
ओलीले फेरि एकपटक नेतृत्वमा दोहोरिने इच्छा प्रकट गरेका छन् । ओली निकट नेता शंकर पोखरेलले केही समयअघि नै ओलीकै नेतृत्वमा पार्टी चुनाव र सरकारमा जाने घोषणा गरिसकेका छन् ।
एमालेमा नेतृत्वमा दाबी गर्ने पोखरेल पहिलो नेता बनेका छन् । न्युज कारखाना