प्रदेश २ का मुख्यमन्त्री लालबाबु राउतले दुईजना मन्त्रीको जिम्मेवारी हेरफेर गरेपछि असन्तुष्ट बनेका विजय यादवले आजदेखि भूमि व्यवस्था, कृषि तथा सहकारी मन्त्रीको कार्यभार सम्हालेका छन् ।
मन्त्री यादवले आजदेखि आफूले भूमि व्यवस्था, कृषि तथा सहकारी मन्त्रीको रुपमा काम गर्ने बताए ।
मुख्यमन्त्री राउतले गत १४ भदौमा भूमि व्यवस्था, कृषि तथा सहकारी मन्त्री शैलेन्द्रप्रसाद साहलाई अर्थ र अर्थमन्त्री विजय यादवलाई भूमि व्यवस्था, कृषि तथा सहकारी मन्त्रालयको जिम्मेवारी दिएका थिए ।
साहले अर्थ मन्त्रालयको जिम्मेवारी पाउनासाथ कार्यभार सम्हालेका थिए भने यादव असन्तुष्टि जनाउँदै अनकनाएर बसेका थिए ।