नेकपा एमालेका अध्यक्ष केपी शर्मा ओलीले नेकपा माओवादी केन्द्र र नेकपा एकीकृत समाजवादीलाई कांग्रेसले औला समाउन नदेला कि भन्ने चिन्ता रहेको बताएका छन् ।
शुक्रबार कांग्रेसको १४औं महाधिवेशन उद्घाटन समारोहमा अध्यक्ष ओलीले माओवादी केन्द्र र एकीकृत समाजवादीका नेता पुष्पकमल दाहाल प्रचण्ड र माधव नेपालतिर इंगित गर्दै सो कुरा बताएका हुन् ।
कार्यक्रममा माओवादी केन्द्रका अध्यक्ष प्रचण्डले एक्लै हिड्ने अहंकार नगर्न कांग्रेसलाई सचेत गराएका थिए ।
प्रचण्डपछि बोलेका ओलीले प्रचण्ड र माधव नेपालतिर इंगित गर्दै उनीहरुलाई कांग्रेसले औला समाउन नदेला कि भन्ने चिन्ता रहेको बताएका हुन् ।
ओली सरकारमा जाने सवालमा मात्र नभएर विकास निर्माण र देशको राष्ट्रियताको सवालमा आपूmहरु र कांग्रेस सँगसँगै रहेको पनि बताए ।
उनले कांग्रेस अरुको नीतिमा हिड्न नहुने पनि बताए ।
उनले भने, ‘कांग्रेसले सबैलाई साथ लिएर अघि बढोस् तर कांग्रेस अरुको नीतिमा होइन आफ्नाे नीतिमा चलोस् ।’