नेकपा (एकीकृत समाजवादी) का अध्यक्ष माधवकुमार नेपालले आउने सबै चुनावमा गठबन्धनका दल मिलेर अघि बढ्ने बताएका छन् ।
बिहीबार काठमाडौँमा आयोजित पार्टी प्रवेश कार्यक्रममा उनले नेपाली काँग्रेसका सभापति शेरबहादुर देउवाले नै गठबन्धन हुनसक्ने भनेकाले आगामी निर्वाचनसम्म सरकारमा रहेका दल मिलेर अघि बढ्न सक्ने बताए ।
उनले जनताको पीरमर्कासँग नजिक रहेको पार्टी नेकपा (एस) भएकाले आगामी निर्वाचनमा विजयी गराउने हिसाबले तयारीमा लाग्न नेता तथा कार्यकर्तालाई निर्देशन दिए ।
